शेवगाव प्रतिनिधी, दि. १३ : विद्यार्थ्यांच्या विविध कलागुणांना वाव मिळावा या उद्देशाने प्राचार्य अशोक उगलमुगले यांच्या मार्गदर्शनाखाली आज नवजीवन विद्यालय दहिगाव-ने येथे दीपावलीच्या निमित्त इयत्ता ५वी ते ७ वी च्या विद्यार्थ्यांची इकोफ्रेंडली आकाश कंदील बनवण्याची कार्यशाळा आयोजित करण्यात आली होती.
या कार्यशाळेत माधुरीम्हस्के, सीमा धिमते, सुनिता मकासरे, विश्वनाथ सोनवणे, सिकंदर शेख यांनी विद्यार्थ्यांना प्रात्यक्षिक करून दाखवले व विद्यार्थ्यांनी त्याला उत्स्फूर्तपणे प्रतिसाद देत अनेक प्रकारचे वेगवेगळ्या डिझाईनमध्ये सुंदर व आकर्षक असे आकाश कंदील बनविले.
या उपक्रमावेळी विद्यालयाचे उपप्राचार्य शंकर कांबळे, पर्यवेक्षक सुनील शिंदे, मोहिटे, भावान पागर, धनंजय वैद्य, गणेशपवार, एकनाथ पवार, अप्पासाहेब खंडागळे आदि शिक्षक वृंद उपस्थित होते.
