कोपरगावची खडकी बनतेय गुन्हेगारांचा अड्डा
कोपरगाव प्रतिनिधी दि.२९ : कोपरगाव शहरातील खडकी येथे धारधार शस्त्र बनवणारा कारखाना असल्याचे पोलीसांनी उघड केल्याने कोपरगावची खडकी गुन्हेगारीचा अड्डा बनतोय असेच वाटत आहे. शहर पोलीसांनी शस्त्र बनवणारा कारखाना केला उध्वस्त दोघांचा शोध सुरू.
या बाबत पोलीसांकडून मिळालेली अधिक माहीती अशी की, रविवारी २८ जूलै रोजी पोलीसांना गुप्त बातमीदाराकडून माहीती मिळाली की, कोपरगाव शहरातील खडकी भागात राणी ज्ञानेश्वर पवार यांच्या घराच्या पाठीमागे त्यांच्या मालकीच्या पञ्याच्या शेडमध्ये धारधार शस्त्र, तलवारी बनवणारा कारखाना सुरु आहे.
त्यावरून पोलीस कर्मचारी ज्ञानेश्वर मधुकर भांगरे व किशोर कुळधर हे खडकी येथे जावून पाहाणी करत होते इतक्यात पोलीस आल्याची चाहुल लागतात संबंधीत पञ्याच्या शेडमध्ये तलवारी तयार करणारे किरण सोळसे, बक्या ऊर्फ महेश म्हस्के हे दोघे तेथून आपल्या हातील मोबाईल व बनवलेल्या ९ तलवारीसह इतर साहीत्य तिथेच टाकुन पळवुन गेले.
दरम्यान पोलीसांना हत्यार बनवणारा कारखाना असल्याची खाञी पडताच त्यांनी पोलीस निरीक्षक प्रदीप देशमुख यांना घटनेची माहीत दिली असता देशमुख यांनी सहायक पोलीस निरीक्षक विश्वास पावरा, सहायक पोलिस निरीक्षक मयुर भामरे, पोलीस उपनिरीक्षक रोहीदास ठोंबरे व इतर पोलीस कर्मचारी यांना घटनास्थळी पाठवून दोन पंचासमक्ष पंचनामा केला असता तिथे ९ नवीन तयार केलेल्या तलवारी, हत्याराला धार देण्यासाठी लागणाऱ्या ७ चकत्या, लोखंडी ऐरण, हातोडा, दोन मोबाईल असा सर्व मिळुन १८ हजार ९०० रूपये किमतीचा मुद्देमाल जप्त करण्यात आला.
संबंधीत पञ्याचे शेड हे राणी ज्ञानेश्वर पवार यांच्या मालकीचे असुन तिथे तात्पुरत्या स्वरुपात किरण सोळसे व महेश म्हस्के दोघे रा. खडकी यांना भाड्याने दिल्याचे समजले. पोलीस कर्मचारी ज्ञानेश्वर मधुकर भांगरे यांच्या फिर्यादीवरून किरण सोळसे व महेश म्हस्के यांच्या विरोधात भारतीय हत्यार कायद्याअंतर्गत गुन्हा दाखल केला असुन या घटनेचा सखोल तपास पोलीस करीत आहेत.
