शेवगाव प्रतिनिधी, दि. १० : माजी आमदार चंद्रशेखर घुले यांच्या अभिष्टचिंतन सोहळ्या निमीत्त सप्ताहभर तालुक्यात खेळ पैठणीचा, युवा संवाद मेळावा, भव्य कुस्ती स्पर्धा, विदयार्थ्यांना शालेय साहीत्य वाटप, कीर्तन महोत्सव यासह विविध कार्यक्रमांचे आयोजन करण्यात आले आहे.
माजी आमदार चंद्रशेखर घुले यांच्या वाढदिवसाचे औचित्य साधून शेवगाव – पाथर्डी तालुका परिवर्तन विकास आघाडीच्या वतीने महिलांसाठी न्यु होम मिनीस्टर खैळ पैठणीचा हा कार्यक्रम मंगळवार दि.१३ रोजी सकाळी १० वाजता बोधेगाव ता. शेवगाव येथील भगवान बाबा मंगल कार्यालय येथे तर बुधवार दि.१४ रोजी सकाळी १० वाजता शेवगाव शहरातील लक्ष्मी नारायण मंगल कार्यालयामध्ये निर्मला नरेंद्र घुले यांच्या अध्यक्षतेखाली व जिल्हा परिषदेच्या माजी अध्यक्षा राजश्री घुले यांच्या उपस्थितीत संपन्न होणार आहे.
शुक्रवार दि.१६ रोजी सकाळी १० वाजता माजी आमदार नरेंद्र घुले यांच्या अध्यक्षतेखाली व प्रमुख प्रवक्ते विठ्ठल कांगने, स्वराज रक्षक संभाजी मालिकेतील अभिनेत्री प्राजक्ता गायकवाड यांच्या प्रमुख उपस्थितीत युवा संवाद मेळाव्याचे आयोजन शहरातील लक्ष्मीनारायण मंगल कार्यालयामध्ये करण्यात आले आहे. मंगळवार दि.१३ रोजी दहिगांव ने येथे सकाळी ९ ते ११ या वेळेत सोपान महाराज कनेरकर यांचे कीर्तन होणार आहे.
बुधवार दि.१४ रोजी शहरातील १८ जिल्हा परिषद प्राथमिक शाळेतील विदयार्थ्यांना माजी आ.चंद्रशेखर घुले यांच्या हस्ते शालेय साहीत्याचे वाटप करण्यात येणार आहे. तसेच शुक्रवार दि. १६ रोजी सायंकाळी ४ ते ७ या वेळेत शेवगाव केसरी भव्य कुस्ती मैदान स्पर्धेचे शहरातील पैठण रस्त्यावरील क्रीडा संकुलामध्ये आयोजन करण्यात आले असून यामध्ये साडेतीन लाख,अडीच लाख व दीड लाख रुपयांसह चांदींच्या गदा यासह विविध बक्षिसे ठेवण्यात आली आहेत. या कार्यक्रमासाठी तालुक्यातील महिला, यवुक, युवती, पैलवान व ग्रामस्थांनी उपस्थित रहावे असे आवाहन शेवगाव – पाथर्डी तालुका परिवर्तन विकास आघाडीच्या वतीने करण्यात आले आहे.
