कोपरगाव प्रतिनिधी, दि. ८ : जागतिक महिला दिनानिमित्त टाकळी ग्रामपंचायतीने विशेष महिला ग्रामसभेचे आयोजन केले. यावेळी सरपंच संदीप देवकर यांच्या संकल्पनेतून महिला दिनानिमित्त महिलांच्या सन्मानार्थ एक दिवसीय महिला सरपंच म्हणून कल्पना लक्ष्मण मालकर व महिला उपसरपंच म्हणून भारती बाळासाहेब देवकर यांना संधी देऊन सन्मान करण्यात आला. एक दिवसीय महिला सरपंच यांचा सत्कार संदीप देवकर व एक दिवसीय महिला उपसरपंच यांचा सत्कार माजी सभापती सुनील देवकर यांनी केला. दरम्यान विजया आमले यांचा आदर्श महिला म्हणून सत्कार करण्यात आला.
सदर कार्यक्रमास कोपरगाव पंचायत समिती गटशिक्षणाधिकारी शबाना शेख यांची प्रमुख उपस्थिती लाभली. याप्रसंगी उपसरपंच संजय देवकर, सदस्य शशिकांत देवकर, रूपाली मालकर, हिराबाई मोरे, ग्रामपंचायत अधिकारी गुंड भाऊसाहेब, जिल्हा परिषद प्राथमिक शाळा मुख्याध्यापिका कांता देवकर, रणधीर सर, पोलीस पाटील राजेंद्र देवकर यांचेसह आरोग्य सेविका, अंगणवाडी सेविका, आशा सेविका, ग्रामपंचायत कर्मचारी व गावातील महिला उपस्थित होत्या.
