एफआरपी रक्कम कोणत्याही कपाती वीना दिवाळीपूर्वी मिळावी – दत्ता फुंदे

Mypage

शेवगाव प्रतिनिधी, दि. २९ : शेवगाव, नेवासा पाथर्डी तालुक्यातील साखर कारखान्यांनी त्यांना गेल्या वर्षीच्या २०२१-२२ च्या गळीत हंगामात ऊस देणाऱ्या ऊस उत्पादकांना दहा टक्काच्या पुढील साखर उताऱ्याची एफआरपी रक्कम कोणत्याही प्रकारची कपात न करता दिवाळी पूर्वी देण्याची मागणी  स्वाभिमानी शेतकरी संघटनेचे जिल्हा उपाध्यक्ष दत्ता  फुंदे यांनी केली आहे.

Mypage

     या संदर्भात त्यांनी परिसरातील साखर कारखान्यासह साखर संचालनालय, साखर उपायुक्त  अहमदनगर यांच्याकडे  निवेदने दिली आहेत. शासनाने मागील वर्षीच्या गळीत हंगामापासून एफआरपीच्या दहा टक्के रक्कम संबधित ऊस उत्पादकांचा ऊस तुटल्यानंतर १४ व्या दिवसाच्या आत संबधितांना अदा करण्याचा व त्यानंतर दहा टक्क्याच्या पुढील रक्कम संबधित कारखान्याच्या अंतिम साखर उतारा व उपपदार्थापासून मिळणाऱ्या लाभाची रक्कम जी काही होईल ती पुढील हंगामाच्या सुरुवातीला अदा करण्याचा दंडक जाहीर केला आहे.

Mypage

      आता यंदाचा गळीत हंगाम दि.१५ ऑक्टोंबरच्या दरम्यान दिवाळीच्या आसपास सुरु होणार असल्याने संबधित कारखान्यांनी संबंधित ऊस उत्पादक शेतक-यांना अंतिम साखर उताऱ्याची फरक रक्कम दिवाळी पूर्वी कोणत्याही प्रकारची कपात न करता  अदा करून परिसरातील ऊस उप्तादक शेतक-यांची दिवाळी गोड करावी अशी मागणी  निवेदनात केली आहे.

Mypage

      फुंदे यांनी स्वाभिमानी शेतकरी संघटनेच्या तालुक्यातील पदाधिकारी, सदस्य व काही ऊस उत्पादक शेतक-यांसमवेत जिल्ह्याचे साखर सह संचालक मिलिंद भालेराव यांची नुकतीच भेट घेवून मागणीबाबत सविस्तर चर्चा केली आहे. 

Mypage