कोपरगाव प्रतिनिधी, दि.२४ : कला संचालनालय महाराष्ट्र राज्य यांनी घेतलेल्या एलिमेंटरी व इंटरमिजिएट या शासकीय रेखाकला परीक्षेचा निकाल नुकताच जाहीर झाला असून एलिमेंटरी व इंटरमिजिएट परीक्षेमध्ये आत्मा मालिक माध्यमिक गुरुकुलाचा 100 टक्के निकाल लागला आहे.
या दोन्ही परीक्षेसाठी महाराष्ट्रातून 8 लाख विदयार्थी प्रविष्ठ झाले होते. या विदयार्थ्यापैकी 100 विदयार्थ्याची राज्य गुणवत्ता यादी जाहीर झाली आहे. यामध्ये एलिमेंटरी परीक्षेत आत्मा मालिक माध्यमिक गुरुकुलाच्या कु.सिध्दी अविनाश येवलेकर या विदयार्थीनी ने राज्य गुणवत्ता यादीत तिसरे स्थान प्राप्त करुन राज्य गुणवत्ता यादीत येण्याची गुरुकुलाची परंपरा कायम ठेवली आहे.
सदर विदयार्थीनीला प्राचार्य निरंजन डांगे, विभाग प्रमुख पर्यवेक्षक कला शिक्षक मंगेश रहाणे, ज्ञानेश्वर पर्वत, अविनाश चैधरी, दिनेश बागुल, वैभव आंबेकर यांचे मार्गदर्शन लाभले.
सर्व यशस्वी विदयार्थ्याचे अध्यक्ष नंदकुमार सुर्यवंशी, सरचिटणीस हनुमंत भोंगळे, विश्वस्त प्रकाश भट बाळासाहेब गोर्डे, प्रकाश गिरमे, शालेय व्यवस्थापक सुधाकर मलिक, वसतिगृह व्यवस्थापक साईनाथ वर्पे आदीनी अभिनंदन केले आहे.
