कोपरगांव प्रतिनिधी, दि. ८ : शासनाने सन २०२४-२५ करिता सोयाबीन या शेतीमालाचा आधारभुत दर ४,८९२ रूपये जाहिर केला असुन कोपरगांव तालुक्यातील शेतक-यांसाठी कृषि उत्पन्ऩ बाजार समिती कोपरगांव मुख्य़ मार्केट यार्ड मध्ये सोयाबीन खरेदी केंद्रावर शासनाचा आधारभुत दर ४,८९२ रूपये या प्रति क्विंटल दराने ८,५९० क्विंटल सोयाबीन खरेदी केली होती. सोयाबीनचे भाव पडलेले असल्याने यामुळे सोयाबीन उत्पादक शेतक-यांना मोठा दिलासा मिळाला होता.
कृषि उत्पन्ऩ बाजार समिती कोपरगांवच्या सोयाबीन खरेदी केंद्रावरील ५५६ शेतकऱ्यांनी ८५९० क्विंटल सोयाबीन विक्री केली असुन त्यांचे पेमेंट ४,८९२ रुपये दराने ४,२०,२२,२८० रुपये शेतक-यांच्या बँक खात्यावर जमा झाल्याची माहिती सभापती साहेबराव रोहोम व उपसभापती गोवर्धन परजणे यांनी दिली आहे.
कृषि उत्पन्ऩ बाजार समिती कोपरगांवच्या मुख्य़ मार्केट यार्ड या ठिकाणी सोयाबीन खरेदी केंद्रावर खरेदी केलेल्या सर्व शेतकरी वर्गाच्या बँक खात्यावर सोयाबीन खरेदीची रक्क़म जमा झालेली आहे. ज्या शेतक-यांच्या खात्यात रक्क़म जमा झाली नाही त्यांनी बाजार समितीचे कार्यालयात संपर्क करावा, अशी माहिती बाजार समितीचे सचिव नानासाहेब रणशुर यांनी दिली आहे.
