सुनील कदम यांची कोपरगाव भाजपा तालुकाध्यक्ष पदावर निवड
कोपरगाव प्रतिनिधी, दि. ९ : भारतीय जनता पार्टीच्या कोपरगाव तालुकाध्यक्ष (पश्चिम मंडळ) पदावर सुनील कदम यांची निवड झाल्याबद्दल कोपरगाव आणि पंचक्रोशीतील नागरिकांच्या वतीने भव्य नागरी सत्कार समारंभ राघवेश्वर मंदिर, कुंभारी येथे उत्साहात पार पडला. सहकार महर्षी शंकरराव कोल्हे सहकारी साखर कारखान्याचे अध्यक्ष युवानेतृत्व विवेक कोल्हे यांच्या प्रमुख उपस्थितीत हा सत्कार सोहळा अत्यंत प्रेरणादायी वातावरणात पार पडला. त्यांच्या उपस्थितीमुळे कार्यक्रमाला विशेष महत्त्व प्राप्त झाले. याप्रसंगी सुनील कदम यांचा सन्मान करण्यात आला आणि पुढील राजकीय वाटचालीसाठी शुभेच्छा देण्यात आल्या. या सोहळ्याला नागरिकांचा व कार्यकर्त्यांचा उत्स्फूर्त प्रतिसाद लाभला.
कार्यक्रमाला ज्येष्ठ नेते शरदनाना थोरात, कोल्हे कारखाना व्हा . चेअरमन राजेंद्र कोळपे, बाजार समिती सभापती साहेबराव रोहोम, औद्योगिक वसाहत उपाध्यक्ष केशवराव भवर,माजी सभापती पं.स. मच्छिंद्र केकाण, विलासराव वाबळे, सोपानराव पाणगव्हाने, ज्ञानेश्वर होन, कैलास माळी, रमेश घोडेराव, संभाजीराव गावंड, रघुनाथ फटंगारे, फकिरराव बोरणारे, दीपकराव चौधरी, दगूराव चौधरी, युवा मोर्चा तालुकाध्यक्ष अमोल गवळी, मा.सरपंच बाळासाहेब पाणगव्हाने, मा.सभापती सुनीलराव देवकर, मा.तालुकाध्यक्ष युवा मोर्चा विक्रम पाचोरे, राजेंद्र गवळी, डी.पी. मोरे, निवृत्ती बनकर, शिवाजीराव जाधव, संदीपराव देवकर, शिवाजीराव कदम, विजयराव कदम, किरण कोळपे, बापूसाहेब पवार, शब्बीर पटेल, पुंजाजी राऊत आदीसह मान्यवर मोठ्या संख्येने उपस्थित होते.
यावेळी बोलताना युवानेते विवेक कोल्हे म्हणाले, चांगले काम करणाऱ्याला न्याय देण्यात यावा अशी भूमिका बिपीनदादा कोल्हे आणि मा.आ.सौ. स्नेहलताताई कोल्हे यांच्यासह आम्हा सर्वांची आहे. पक्ष वाढीसाठी आपण पूर्ण ताकदीनिशी काम करत आहोत. पक्षहितासाठी आपण गत निवडणुकीत भूमिका घेतली पण दुर्दैवाने जे यश आपण लोकप्रतिनिधींच्या पदरात टाकले त्याप्रमाणे अपेक्षित काम होताना दिसत नाही हे वास्तव आहे. यामुळे नागरिकांच्या समस्या आणि प्रश्न सोडवण्यासाठी पक्षाच्या माध्यमातून आपले काम सुरू आहे.
गेले अनेक वर्षे माजी मंत्री स्व.शंकररावजी कोल्हे साहेब यांच्या विचाराने काम करतो आहोत. अन्यायाच्या विरोधात वाचा फोडणारे म्हणून आपली ओळख आहे. मतदारसंघात विकासकामे आणि समस्यांच्या सुटण्याबाबत होणाऱ्या अन्यायाच्या विरोधात आपण कुठेही मागे हटणार नाही याउलट शासनाला ते प्रश्न निदर्शनास आणून देऊन जनतेला न्याय मिळवून देणे हे आपले कर्तव्य समजून काम करू. पक्षाचे नेते पंतप्रधान नरेंद्र मोदी, गृहमंत्री अमित शाह, मुख्यमंत्री देवेंद्र फडणवीस यांच्या माध्यमातून लोकहिताच्या असणाऱ्या योजनेचा लाभ जनतेला मिळवून देणे ही भूमिका आपले उद्दिष्ट आहे.
या कार्यक्रमाने कोपरगाव मतदारसंघातील एकात्मता, कार्यकर्त्यांचा सन्मान आणि पक्षवाढीचा एक नवा आदर्श निर्माण केला आहे. भारतीय जनता पक्षाचे ध्येय धोरण पुढे घेऊन जात सर्वसामान्य कार्यकर्त्यांना संधी देण्याचे काम कायम कोल्हे कुटुंब करत आले आहे. जगातील सर्वात मोठा पक्ष म्हणून भारतीय जनता पक्ष आहे त्याचे अध्यक्ष म्हणून मतदारसंघात पक्ष वाढीसाठी कदम यांनी जोमाने काम करावे अशा शुभेच्छा देण्यात आल्या.
