शेवगाव प्रतिनिधी दि.१८ : ग्रामविकास विभागामध्ये जनसेवेच्या उत्तम संधी असल्याचे सांगून तालुक्यात खूप काही शिकायला मिळाले. येथील लोकप्रतिनिधी,पदाधिकारी व अधिकार्याच्या मार्गदर्शनाखाली व स्थानिक जनतेच्या सहकार्यामुळे मला चांगले काम करता आल्याचे प्रतिपादन गट विकास अधिकारी दिप्ती गाट यांनी केले.
पंचायत समितीच्या वतीने पदोन्नती निमित्त आयोजित सत्कार व निरोप समारंभ कार्यक्रमात गाट बोलत होत्या. यावेळी पंचायत समितीच्या प्रांगणात सुरू असलेल्या शिवस्मारकासाठी बाळासाहेब खुळे यांनी आई-वडील, स्वर्गिय शांताबाई व दत्ताञय खुळे यांचे स्मरणार्थ २५ हजार रूपये दिले. त्याबदल गट विकास अधिकारी राजेश कदम यांचे हस्ते त्यांचा सत्कार करण्यात आला.
गटविकास अधिकारी कदम अध्यक्ष स्थानी होते. गणेश मंडलिक, प्र.ग.वि. अधिकारी सुरेश पाटेकर, तालुका आरोग्य अधिकारी डॉ. संकल्प लोणकर गटशिक्षणाधिकारी तृप्ती कोलते, सहायक गट विकास अधिकारी श्रीराम चव्हाण, बंडू रासने उपस्थित होते. विविध संस्था, संघटना यांच्यावतीने गाट यांचा सत्कार करण्यात आला. कल्याण मुटकुळे यांनी सुत्रसंचलन केले. सचिन भाकरे यांनी आभार मानले.
