जनसन्मान याञेचे कोपरगावमध्ये जंगी स्वागत
कोपरगाव प्रतिनिधी, दि. १० : लाडकी बहीण योजनेमुळे केवळ बहीण लाडकी आणि भाऊ दोडका नसुन भावासाठी ही अनेक योजना आणल्या आहेत विरोधक चुकीचं बोलत आहेत असा टोला विरोधकांना राज्याचे उपमुख्यमंत्री अजित पवार यांनी लगावला.
नाशिक येथुन राष्ट्रवादी काँग्रेस पक्षाच्यावतीने उपमुख्यमंत्री अजित पवार यांची जन सन्मान याञेला सुरुवात करण्यात आली. ती जन सन्मान याञा कोपरगाव येथे शनिवारी सायंकाळी ५ वाजता उपमुख्यमंत्री अजित पवार, राष्ट्रवादी काँग्रेस पार्टीचे प्रदेशाध्यक्ष प्रफुल्ल पटेल, खासदार सुनिल तटकरे, राष्ट्रवादी काँग्रेसच्या महिला प्रदेशाध्यक्षा रुपाली चाकणकर यांचा प्रमुख सहभागातून ही याञा कोपरगावात आली. यावेळी आमदार आशुतोष काळे यांच्या नेतृत्वाखाली जंगी रॅली काढण्यात आली.
उपमुख्यमंत्री अजित पवार यांचे शहरातील चौका-चौकात जंगी स्वागत करण्यात आले. अनेक लाडक्या बहीणींनी उपमुख्यमंत्री अजित पवार व आमदार आशुतोष काळे यांना लाडक्या बहीणींनी राख्या बांधून औक्षण केले. डॉ बाबासाहेब आंबेडकर मैदानावर रॅलीचे रुपांतर महासभेत झाले. यावेळी माजी आमदार अशोकराव काळे, चैताली काळे यांच्यासह तालुक्यातील राष्ट्रवादी काँग्रेस पार्टीचे पदाधिकारी कार्यकर्ते मोठ्या संख्येने उपस्थित होते.
अजित पवार पुढे म्हणाले की, येत्या रक्षाबंधनच्या दिवशी राज्यातील आडीज कोटी महीला लाभार्थींना लाडकी बहीण योजनेतून दोन महीण्याचे तीन हजार रुपये मिळणार आहे, त्यासाठी अगोदरच ६ हजार कोटी रुपयांची तरतुद करुन आलोय. मी शब्दाला पक्का आहे. केवळ निवडणु डोळ्यासमोर ठेवून लाडकी बहीण योजना काढली नसुन कायमस्वरूपी हि योजना राबवून गरीब महीलांना सक्षम करण्याबरोबर स्थानीक बाजारपेठेला उर्जा देण्याचे काम करतोय. विरोधकांनी कधी दिड रुपया दिला नाही. देण्याची दानत असावी लागते ती माझ्यात आहे.
या योजनेमुळे राज्याचे कसलेही अर्थीक नुकसान होणार नाही. उलट येणाऱ्या विविध करामधुन पैसे दिले जात आहे. इतर राज्यांच्या तुलनेत सर्वाधीक कर आपल्या राज्यात गोळा होतो. आगामी काळात शेतकरी बांधवांसाठी शेतीसाठी मोफत विज पुरवठा केला जाणार असल्याने यापुढे शेतकऱ्यांना विजबिल येणार नाही. मुलींसाठी मोफत शिक्षण योजना सुशिक्षित तरुणांसाठी रोजगार निर्मिती बरोबर अनेक सवलती चालु केल्याचे पवार यांनी सांगितले आगामी काळात आमच्या विचारांचे उमेदवार निवडून दिले तर विकासाच्या अनेक योजना राबवणार असल्याचे सांगत उपस्थित हजारो लाडक्या बहीणींशी पवार यांनी संवाद साधला .
यावेळी आमदार आशुतोष काळे म्हणाले की, मतदार संघातील शेती पाण्याचा प्रश्न सोडवायचा असेल तर पश्चिमेचे पाणी पुर्वेला वळवावे लागणार आहे. मी पाच वर्षं विकास डोळ्यासमोर ठेवून प्रयत्न करीत होतो. त्याला पवार यांनी मोलाची मदत केली. कोपरगाव मतदार संघासाठी विक्रमी ३० हजार कोटी निधी हा केवळ अजितदादा पवार यांच्यामुळे मिळाला आहे. यापुढेही पवार मतदार संघातील प्रश्न सोडवण्याबरोबर मलाही योग्य न्याय देतील असे म्हणत काळे यांनी पवार यांच्या प्रती ऋण व्यक्त करीत विकास कामांना अधिक सहकार्य करण्याची आशा व्यक्त केली.
आशुतोष काळे हे मला मुलासमान असल्याने त्यांचे बालहट्ट मी कायम पुरवतो. आत्तापर्यत आशुतोष काळे ज्या कामासाठी निधी मागितला तो निधी त्वरीत दिला आहे. आता कोपरगावच्या जनतेने पुन्हा आशुतोष काळे यांना निवडून द्यावे मागच्यावेळी कसंबसं घासुन निवडून दिले, आता ठासुन निवडून देण्याचे आवाहन अजित पवार यांनी केले.
