निवडणूक निर्णय अधिकारी राञी उशिरापर्यंत निकालाच्या प्रतिक्षेत
कोपरगाव प्रतिनिधी, दि. ३० : कोपरगावची निवडणूक २ तारखेला कि २० तारखेला होणार हे राञी उशिरापर्यंत खलबते सुरु झाल्याने कोपरगावच्या उमेदवारांसह नागरीकांची धाकधूक वाढली. निवडणूक आयोगच्या निर्णयाच्या प्रतिक्षेत कोपरगावकर राञभर व दिवसभर वाट पहात आहेत.
राज्य निवडणूक आयोगाने राज्यातील नगरपालीकेच्या व नगरपंचायतीच्या निवडणूकीत ज्या ठिकाणी हरकती घेण्यात आल्या त्यावर ठरलेल्या तारखेत कोर्टाच्या निकालात विलंब झाल्याने अर्ज माघार घेण्यासाठी तांञिक अडचणी आल्याचे व इतर काही तांञिक कारणे असलेल्या ठिकाणच्या निवडणुका पुढे ढकलून २० डिसेंबरला घेण्याचे आदेश काढले. त्यामुळे कोपरगाव येथील काही हरकती होत्या त्यामुळे कोपरगाव नगरपालीकेची निवडणुक पुढे ढकलल्याचे प्रथम दर्शनी चर्चेतून दिसुन आले.
कोपरगाव नगरपालीकेच्या सार्वञिक निवडणुकीची रणधुमाळी एका बाजूला शिगेला पोहोचली असताना शनिवारी मध्यरात्री अचानक निवडणूक आयोगाचे परिपञक जाहीर झाले आणि कोपरगाव नगरपालिकेची निवडणूक पुढे ढकलण्यात आल्याची चर्चा जोरदार सुरु झाली. रविवारी सकाळी प्रचाराच्या गाड्या फार काही फिरत नव्हत्या समाज माध्यमातून निवडणूक पुढे ढकलल्याच्या चर्चेने सर्वञ कुजबुज सुरू झाली आणि निवडणुकीच्या रिंगणात उभ्या असलेल्या उमेदवारांना पहाटेच्या थंडीत घाम फुटला. अनेकांचे फोन एकमेकांना सुरु झाले. एकमेकांकडून खाञी करू लागले.
काही खाजगी वृत्तवाहीण्यांनी निवडणुक पुढे ढकलल्याच्या बातम्या प्रसारीत केल्या त्यामुळे उमेदवांच्या काळजाचे ठोके चुकु लागले. पण तालुक्याच्या दोन्ही नेत्यांनी येथे एकविचार केला असा कदाचीत किंवा दोघांनाही परस्थितीची जाणिव असल्यामुळे त्यांनी तातडीने निवडणूक निर्णय अधिकारी यांच्याशी आपल्या यंञणेमार्फत अपेक्षेत सहकार्य करण्या बरोबर आपली कोणतीही हरकत अथवा तक्रार नाही उलट आहे त्या परिस्थितीत २ तारखेला निवडणूक झाली पाहीजे असे म्हणत लेखी स्वरुपात सर्वांनी विनंती केली.
निवडणूक निवडणुक निर्णय अधिकारी तथा उपजिल्हाधिकारी भारती सागरे, सहाय्यक निवडणूक निर्णय अधिकारी तथा तहसीलदार महेश सावंत, सहायक निवडणूक निर्णय अधिकारी तथा मुख्याधिकारी सुहास जगताप यांनी निवडणूक आयोगाला अपेक्षित असलेली माहीती पुराव्यानिशी सादर केली. दिवसभर संबधीत अधिकारी, जिल्हाधिकारी तसेच राज्य निवडणुक आयोगाचे अधिकारी यांच्यामध्ये व्हिडीओ काॅन्फरन्स द्वारे चर्चा सुरु होती.
सायकांळी उशिरापर्यंत सर्व काही कामकाज सुरु होते. सर्व माहीती कोपरगावच्या बाबतीत स्थानिक अधिकाऱ्यांनी दिल्यानंतर यावर योग्य तो निर्णय राज्य निवडणुक आयोग देणार असल्याची माहीती निवडणूक निर्णय अधिकाऱ्यांनी सांगितले. कोपरगाव नगरपालीकेची निवडणुक २ डिसेंबरला झालीच पाहीजे यावर नेत्यासह कोपरगावकर ठाम झाले आणि निवडणुक आयोगाला यावर पुन्हा विचार करायला भाग पाडल्याने आता तांञिक बाजू तपासुन निवडणुक आयोग कोपरगावसाठी सकारात्मक निर्णय देईल अशी सर्वांना आशा आहे.
तसेच निवडणूक आयोग सकारात्मक निर्णय देण्याची शक्यता स्थानिक अधिकाऱ्यांनी व्यक्त केल्यामुळे कोपरगाव नगरपालीकेची निवडणूक २ तारखेला होईल असा अंदाज वर्तवला जात आहे. माञ राञी ९ वाजेपर्यंत निवडणूक आयोगाचा अंतिम निर्णय येणार असल्याने. कोपरगाव तहसील कार्यालयाच्या दालणाकडे व निवडणूक आयोगाच्या आदेशाकडे सर्वांचे लक्ष लागले आहे, राञी उशिरापर्यंत सर्व प्रक्रिया सुरु होती.
